O pasado venres 7 de novembro, en Vigo, un grupo de alumnos e alumnas de 1º a 4º da ESO participou, xunto aos seus profesores e familias, na Gran Recollida 2025 organizada pola Fundación Provincial Banco de Alimentos. Durante toda a tarde, no supermercado Froiz da Avenida da Florida, viviron unha experiencia diferente, fóra das aulas, que lles permitiu mirar a realidade con outros ollos.
Para moitos, foi a primeira vez que se atopaban cara a cara con persoas que colaboraban por unha causa solidaria. Entre caixas, bolsas e sorrisos, os nosos mozos e mozas descubriron o que significa saír dun mesmo para pensar nos demais. Non se trataba só de recoller alimentos, senón de entregar tempo, alegría e cercanía; de aprender que detrás de cada doazón hai unha historia e unha necesidade.
A tarde pasou voando entre quendas, agradecementos e conversacións. Algúns dicían que nunca sentiran algo así, que era “bonito ver como a xente confía en nós” ou “darse conta de que o que fas importa”.
E é que, máis alá dos quilos de comida recollidos, esta actividade deixou unha pegada no corazón de cada participante: a satisfacción de servir, de compartir e de vivir a solidariedade en primeira persoa.
Desde o Equipo de Pastoral, queremos agradecerlle ao alumnado, familias e profesoras a súa implicación e entusiasmo. Actividades como esta lembrannos que cando a mocidade se compromete, o mundo énchese de esperanza
