UNHA PONTE ENTRE XERACIÓNS
Na aula de 6º de Educación Infantil do Colexio Don Bosco, está a desenvolverse unha entrañable iniciativa de aprendizaxe e servizo que une aos máis pequenos coas persoas maiores do barrio.
Unha vez ao mes, o alumnado de 6º de Infantil comparte unha xornada moi especial cos avoíños do Centro de Maiores de Coia, fomentando a convivencia e o enriquecemento mutuo entre xeracións.
O proxecto organízase de forma alterna: un mes os nenos visitan o centro de maiores e ao seguinte reciben aos seus novos amigos no colexio. Durante estes encontros, participan xuntos en actividades variadas como a elaboración de receitas, xogos de mesa, xogos populares e outras propostas lúdicas que favorecen a aprendizaxe compartida.
Esta experiencia permite que xeracións tan diferentes únanse nun proxecto común. Os nenos achegan agarimo, espontaneidade e imaxinación, mentres que as persoas maiores comparten a súa experiencia de vida, valores e sabedoría.
O resultado é un espazo de respecto, afecto e aprendizaxe que todos viven con gran ilusión. Esta iniciativa non só fortalece os vínculos comunitarios, senón que tamén contribúe ao desenvolvemento emocional e social do alumnado, que aprende a valorar a importancia da empatía, a escoita e o coidado cara aos demais.
Sen dúbida, trátase dunha oportunidade única que deixa pegada en todos os participantes e que demostra como a educación pode ser unha ponte capaz de unir xeracións e construír unha comunidade máis humana, empática e solidaria.
