O 23 de abril do 2022 festéxase o Día do Libro, pero tamén poderiamos chamalo o día da maxia, o día dos soños, o día das viaxes, o día das aventuras, o día dunha infinidade de cousas… Xa que, o Día do Libro, é un dos días máis marabillosos do ano, no que celebramos a palabra escrita, os contos, as historias, en definitiva, celebramos a IMAXINACIÓN.
Este ano, no Colexio Don Bosco quixemos facer algo especial, algo do que toda a comunidade educativa puidese ser partícipe e ademais, que puidese ser compartido con todo o mundo. Así que decidimos escoller os nosos libros favoritos e ser os/as protagonistas das portadas deses títulos que para nós, son especiais.
Como resultado desta actividade, realizamos unha exposición marabillosa por todo o cole, para que tanto os seus protagonistas como o resto de persoas, poidan compartir estas estupendas e divertidas portadas recreadas por cada membro da nosa comunidade educativa.
Deixámosvos un pequeno aperitivo do chula que quedou a nosa actividade para que poidades facervos unha idea do ben que nolo pasamos este ano, conmemorando un día tan bonito e especial como é o Día do Libro.
Pero isto non foi o único estupendo que fixemos no colexio Don Bosco no Día do Libro. Porque como xa sabedes, temos un equipazo de locutores/ as e creadores/ as de contido en RadioBosco, sempre dispostos/ as a manternos informados e a entreternos. E non podía ser menos nun día tan sinalado. O alumnado da ESO, os nosos/ as expertos/ as máis avanzados/ as neste medio de comunicación, crearon un programa en grao sumo interesante para este día. Coa axuda dos seus compañeiros/ as de primaria e ESO, gravaron pequenos fragmentos dos seus libros favoritos, e compartíronos con todos nós. Un programa en grao sumo animado, cooperativo e sobre todo entretido no que gozar de pequenos momentos de aventura e diversión. Podédelo escoitar na nosa sección de RadioBosco na web do cole, clicando na seguinte ligazón:
Deixámosvos unhas fotos onde podedes ver aos nosos expertos/as preparando o programa…
E para rematar esta semana tan especial… os nenos e nenas de Ed. Infantil fixeron un vídeo: